لأ!! ما أنا لازم حد يفهمني إيه إلي بيحصل عندنا في اسكندرية ده!!بجد
من سنتين اتشال المحافظ اللي كلنا كنا بنحلف بيه و باللي عمله في البلد
قلنا ماشي، يمكن اللي جاي يبقه زيه
فجأه كل أرصفة البلد اتكسرت!! كلها كلها يعني, و تراب و عفاره في كل مكان
و اختلف الناس, إللي يقول أصله بيدور على كنز
و إللي يقول أصله معمول له عمل و مدفون تحت رصيف معين, و اللي يقول و إللي يقول.......إشاعات
المهم, بعد كام شهر كده خلص الأرصفه بس مرجعهاش زي الأول طبعا!! امال احنا هدينها ليه؟
عمل سيراميك على كل الأرصفه!! آه سيراميك من إللي بيزحلق ده, وعمل ارتفاع الرصيف حلو كده!!!معرفش ليه
طبعا الناس رايحة جاية تتزحلق و تتكسر بس مش مهم!! المهم التطوير
بعد كام شهر جاب الرصفان دي كلها على الأرض تاني!! و عملها بارتفاع أقل شوية
كل دة كان في عز موسم الصيف!! بلد سياحي بيتجدد في الصيف
فيها حاجة دي؟
المهم كنا بدأنا ننسى, بس من شهر كدة جاب كل أرصفة المحافظة على الأرض تاني!! كلها
إللي في وسط البلد, و إللي في الطرق السريعة, وإاللي في المناطق النائية, و إللي و إللي
لأ و إيه, اتهدت في زمن قياسي!! من الآخر نمنا و صحينا كانوا مهدودين
بس الحقيقة مش شايفين عمال بتبنيهم تاني!! بجد و الله, أنا فعلا مش لاقيه عامل واحد بيظبط أي حاجه
أنا شخصيا في 3 شوارع كبار بيوصلوا لبيتي, التلاتة أرصفتهم مهدوده
لأ بجد ده مش طبيعي!! هو لقه العمل الأولاني علشان يدور على التاني؟
ارحمنا بأه!! ارحمنااااااااااااااااااااااااااااااااااااااااااااااااااااااااااااااا 
7 comments:
التعليق ده حيتم تسجيله في تاريخ المدونات المستقلة لإنه ولأول مرة يقوم كائن حي، عاقل(على ما أظن) و ذو ذمة غير ملوثة (أحب أن أكون على خلق) بالدفاع عن الجاموسة دي !!
مع كامل إحترامي فإن ما تريه الآن هو إستكمال الأعمال ... المرحلة الثانية يعني ... كل الأرصفة المكسرة الآن ما هى إلا أرصفة مكانتش إتكسرت قبل كدة ... أما الأرصفة اللى أعيد تكسيرها بعد عملها في المرحلة الأولى فهى لسبك الموضوع ... دي الأعمال المرفوضة من المقاول واللى تم إعادتها على حسابه (مثلما يحدث في أي مقاولة في العالم)
أخينا ده تأكد لى بما لا يدع مجالا للشك إنه بيجمع البازلت المستخدم في بردورات شوارع الإسكندرية ... لاحظي في المرحلة الثانية إنه مش بيكسر كل الأرصفة ... فقط الأرصفة اللي فيها بازلت و بيتم تجميعه كوام كوام ليتم حمله بصورة منفصلة عن باقي الردم إلى مكان مجهول ...
من يومين كنت قاعد مع مجموعة من المخلولين المهتمين بأمر هذه المدينة البائسة وفكرنا في الميزانية الجبارة اللي أخدها الجاموسة ده عشان يهد الأرصفة و يعيد بناءها و ما حجم القيمة المضافة للمدينة مع العلم أن تكلفة هذا المشروع "الهام" كانت كافية لمد خط مترو سطحى يربط مدينة برج العرب المهجورة بوسط الإسكندرية المكتظ بالسكان !!!
di akbar w ashhar sabboba fel taree7' el masri ya bnti! omal leh 3ndena el m2awleen kollohom 7zb watani w bi2lebo millionerat?
geddo,
Mashi, enta betwada7li leah beihed delwa2ti bas da mesh ma3nah ennak bedafe3 3anoh!! w ba3dain momken tefahemna ya bashmohandes homa leah beiegma3o el bazalt da? e3zor gahli:)
Marooned84,
Heia sabboba ah, bas ma3takedsh enaha el akbar fel taree7' el masry!! lesa yama 7anshoof isA
Ommal elly 3andena fel Giza ba2a!!
Awalan mafeesh ersefa
thanya el ersfea elly mawgooda is occupied by el ma7alat elly oddamaha
wel nas betmshy fel share3 west el 3arabyat
w aslan el 3arabyat elly rakna beterken la7ad el saff el tany, fal nas betb2a mashya fe3lan west el share3
fa ya3ny kolloh fel lazeez 3andena :D
gioe,
Wade7 enohom metna2ien:)
so u posted about him after all... u did not mention esla7atoh el maymoona fel 3agamy!! shame on you :)
LOL @ geddo's comment
inso,
Ah Wallahi, ana asfa ya gama3a asli nsait en 7adreto 3amal esla7at fazi3a fel 3agami.
Ahali el 3agami al keram w zowarha fel agazat wel a3iad (w awelhom el famolia el karima bta3etna) mela7zeen tataworat raheeba, mesh saflet el taree2 el ra2eisi?!
Post a Comment